Собирается ежемесячно 50 197 из 250 000
Межрегиональный интернет-журнал «7x7» Новости, мнения, блоги
  1. Республика Коми
  2. Почему я пойду на митинг 4 февраля

Почему я пойду на митинг 4 февраля

Мария Кузьбожева
Мария Кузьбожева
Добавить блогера в избранное
Это личный блог. Текст мог быть написан в интересах автора или сторонних лиц. Редакция 7x7 не причастна к его созданию и может не разделять мнение автора. Регистрация блогов на 7x7 открыта для авторов различных взглядов.

Я вполне довольна свои личным положением: есть работа, есть семья, есть общественное признание. В общем, есть чем заниматься и кроме митингов. Но я здесь, потому что не терплю, когда меня обманывают, впрочем, об этом я уже успела сказать публично до митинга. Добавлю ещё один повод, который приводит  на Театральную площадь. Основная движущая сила митинга – это молодёжь. А молодёжь горяча и нетерпелива, в этом её преимущество и её уязвимость. Поэтому мы, люди, воспитавшие нашу молодёжь, должны быть рядом в потенциально опасные моменты их жизни, чтобы поддержать, защитить, помочь. Мы митингуем на коми земле и говорить на митинге я буду на коми языке. А пока пост, тоже по-коми.

Чиновникъяс йылысь.
 

Кутшöм Россияын ми олам öнi? Öтияс лыддьöны сiйöс полицейскöйöн и найö асьныс бурджыка вермасны висьтавны, мыйла сiдз. Менам донъялöм серти Россия –бюрократическöй государство, кöнi ыджыдалö оз оланпас (закон, рочöн кö), а кабинетын пукалысь чиновник, кодi вермö быд закон песны ас ногыс да нажöвитчыны та пыр. Абу став чиновникыс сэтшöм, менам уна бур тöдса да ёрт  уджалö власть пытшкын. Нимъяссö вайöдны ог кут, мед лёк не вöчны налы, öти ним кындзи, кодöс торъя петкöда коймöд юкöнö.  Ачым вöлi ыджыд чинаöн, да нöшта кыкысь на: йöзöс велöдан министерствоын министрöс первой вежысьöн и культура да национальнöй политика министрöн Тöда, мый власть пытшкö веськалöм сöвестя морт аслас прöст кадö пырöдчö общественнöй уджö, либö йöзöс велöдöмö, либö гижан уджö да компьютер пыр йöзöдчöмö, мед не чорзьыны сьöлöмнас да кольны Мортöн.Но ставныслы налы лолö быть вöчны кöть мустöм, кöть зывöктанаторъяс, тшöктас кö начальствоыс. Тшöтш и ас йöзлы паныдаторъяс . Тшöтш и йöзöс ылöдлана сiдз шусяна аналитика, кодкöд тöдмасян да вом каличыд жугавлö – вöлöмкö, со кутшöм бура миянлы овсьö, а ми, йöйъяс, огöй и тöдöй! Водзö менам гижöдöй оз и инмы тайö ичöт чина, прöстöй чиновникъяслы, тöда, мый найöс, ыджыд сöвестя да веськыд сёрниа уджалысьясöс, олöм туйыс некор оз и вайöд власть пирамида йылöдз. Сэтчö кавшасьöны пинь и гыж отсöгöн, а медсясö лесьт отсöгöн, мöдсикас йöз, кодлы веськодь ставыс, мый оз вай налы личнöй выгода.    
 

Зэв гежöда видзöда телевизор. Но кор веськавла юöр сетан петасъяс вылö, аддзывла: петкöдлöны тшöкыдджыка лоöмторъяс да неминучаяс. Уна сюжетын журналистъяс шыасьöны чина йöз дорö лоöмторлысь помкасö туялöмла да вочакывла, мыйöн колö отсавны пикö воöм мортлы либö кутшöмкö дзонь котырлы. Петас миян водзö сэтшöм «шань» чужöма , мый весиг экранас оз тöр, дядьö да кутас дольны дзик нинöмтор, а синмыс куш, весиг син лыскыс оз вöрзьышт. Öтитор и гöгöрвоан сылысь: миянсянь нинöм эн виччысьöй,кыдзкö мыйкö вай асьныд, миянлы тiянöдз делö абу, миян глобальнöй юалöмъяс эмöсь тiян кындзи!
  

Шуанныд, мый быд кадö буретш татшöм йöз веськöдлiсны миянöн,и сар дырйи, и Сöвет кадö, и перестройка  дырйи. Ог тöд…Сар кад донъявны ог босьтчы, кöть и кутi тшöкыдакодь думайтны, мый Россиялы, гашкö, и эбылыьысь сар колö, öд сiйö Енлöн индöм, нэм ке жлö веськöдлысьлысь крестсö нуысь, а сiдзкö, ыджыд сöвесьта морт. А вот сöвет кад донъявны верма, ме удитi сэк и депутатавны, и сиктса школаöн веськöдлыны, и партияын вöлi. Ме думысь, партийнöй «юрыс» Советскöй Союзын сэки ёна тшыксис лышкыдалöмсьыс, но «улiяс», олöм подулас, миянöн веськöдлiсны сöвесьта да вежöра йöз. Бур кывйöн казьтыла ог сöмын Ю.А.Спиридоновöс да И.П.Морозовöс, но Сыктывдiн районса веськöдлысьяс М.М.Лоскутовöс, Н.И.Козловöс. Спокойнöя, республика да сылöн йöз вöсна майшасьтöгыс,налы эз удайтчы ни öти лун овны, Енмыс сiдз шулöма. Югыдiн да шоныдiн тiянлы, менам паметьын нэм кежлö бура казьтыланаяс!

 Ме коркö артыштi, ылöсас, дерт, стöчасö ог вермы,мый öнi Россияса öтувтöм (консолидированнöй) бюджетысь коймöд пайыс мунö быдсикас каналан и меставывса (государственнöй и муниципальнöй) тшупöдъясын веськöдлан котыръяс вылö: удждон, содтöд пенсия, машина, кабинет, льгота, услуга, охрана да сiдз водзö. Коймöд пайыс! Кодлöнкö кö эм мöд лыдпасъяс, кора юксьыны. Содiс «власьтлöн доныс» медся öдйö буретш Путинлöн Россияöн веськöдлан воясö. Йöз лыдыс сiйö жö кадö ёна чинiс. Государство веськöдлöм улын экономикаысь пöшти нинöм эз коль. Мый морысла сiдзкö сэтшöма донсялiс ачыс властьыс?Сiдз шусяна административнöй реформа вайис сöмын кабалаа (бумагаа) нок воысь воö содöм.Кутшöм кöть юалöмöн прöстöй морт оз шыась чиновник дорö, сылысь медводз корасны сё сикас кабала. Быдлаын сiдз! Дерт, та мында власть бердö ляскысьöм мортöс öд колö уджöн могмöдны. Вот и мырсьöны, коньöръяс, лун-лун, кöть и компьютер быдöнлöн эм,а оз вевъявны ас кадö ставсö вöчны, сы мында кузьысь-кузь гижöд öнi колö быдтор вылö. Да ладнö, куш кö асьныс мырсьöны, удждонсö öд колö нажöвитны, но öд матö воштöны бюджетын уджалысь учреждениеяссаöс! Та мында отчёт, мыйта öнi требуйтöны, шуам, школаöн веськöдлысьяслысь, важöн лёк вöтöн эз уськöдчыв! Пызан сайсьыд кöть эн петав, челядьтö  эн аддзыв, кутшöм нин налысь бать-мамсö!

Öнi быдтор арталöны нормативъяс серти, а сэсся тупкалöны ичöт школаяс да больничаяс, лишнöйöсь пö.! Колö жö кутшöм кö социальнöй норма и чиновник лыд вылö! Шуам, артавны, кыдзи важöн вöлi, Россияын кымын олысь вылö воö вöлi шöркодя öти веськöдлысьыс, да тайö лыдпассö кык пöв нöшта на чинтыны, сы вöсна, мый öнi выль технологияясыд ёна кокньöдöны веськöдлан уджтö. Артмöм чиновник лыдсьыс унждыксö не лэдзны и став!
Депутатъяс йылысь
 

Перестройка пом… Сöвет кад помасис. Ыджыд страна юксис-дрöбитчис..Тайö кадсö эг на удитöй вунöдны некод.Менам олöмын тайö зэв тöдчана кад, сы вöсна мый буретш сэки ме кутi писькöдчыны ыджыд политикаö.1989 вося медводдза збыль (альтернативнöй) бöрйысьöм, бюллетеньын СССР-са 8 депутатпу, на пиын и ме. Ми сэки, дерт, эг на тöдöй,мый тайö медводдза бöрйысьöмыс медбöръяöн лоас, сы вöсна мыс Сöвет власть бырöм выйын нин. Депутатöн лоис А.Т.Круглов, ме мöд местаö петi, эг и ёна кольччы сыысь. Гижа та йылысь сы могысь, медым донъявны, кутшöм депутатъясöс да кыдзи ми бöрйывлiм Россияса Верховнöй Сöветö Ельцин кадö да Путинлöн медводдза президенталöм кадö. Ме ыджыд кывкутöмöн шуа: прамöй йöзöс бöрйывлiм! Найö эз деньга вылö ньöблыны депутаталан местасö, а бöрйысьысьяс донъявлiсны налысь сьöлöмсянь уджалöмсö. Некымын ним сöмын вайöда, бара жö налысь, кодъяс öнi мöдаръюгыдасöсь нин, бурöн казьтылöм могысь: Р.И.Пименов,Е.М.Попова, Е.И.Носова.Да и меставывса сöветъясö тайö воясас вöлi бöръялöма сiдз жö сöвестя да уджач йöзöс. Ме öти кост депутатлi жö республикаса Каналан Сöветын, 1999-2003 воясö. Ми сэки вöлiм ветымынöн,а удж дон вылö депутаталiсны сöмын  витöн, Сöветöн да комитетъясöн веськöдлысьяс.  Öтлаöдны кö, мыйта сэки вöлi видлалöма да вынсьöдöма оланпасъяс öнiякöд, чайта да миян эз этшаджык вöв. А бöрйысьысьяслöн наказъяс кузя мыйта вöлi округъясад удж вöчöма! Сэки öд миянöс веськыда бöрйылiсны, эз партияяс пыр, сiдзкö, веськыда миянлысь жö и требуйтiсны.Öнi кымын депутат ыджыд удждон вылö «мырсьö»? Тайö менам збыль юалöм, ог тöд, кымын, кодкö, гашкö, сетас вочакыв? И кутшöм удждон босьтö? И кутшöм отсöг сысянь воö бöрйысьысьяслы?Ладнö, бокö шыбöлитыштiс менö. Кора прöшша таысь.

Корсянь ми дугдiм бöйыны  сöвестя, вежöра, кужысь  да зiльысь йöзöс? Чайта, сэксянь, кор партийнöй подув вылын кутiм бöрйысьны. Сэксянь заводитчис медыджыд ылöдчöмыс: бюллетеньысь ми аддзам да бöръям öти овъяс, а бöрыннас нин тыдовтчас, мый, вöлöмкö, миян гöлöсъяснымöс ас тöдлытöг сетсьöма мöдъяслы. Тадзи лоис Госдумаса депутатöн, шуам, Р.Гольдштейн. Да тöдiсны кö водзвыв Ухтасаяс, мый сiдз артмас, найö эськö унджыкыс весиг бöрйысьнысö эз локны!
 

 Первой Думаö депутатъясöс бöрйöм, а сэсся и асланым Каналан Сöветö бöрйысьöм регыдъя кадöн лоис сьöма йöзлы медся выгоднöй коммерческöй сделкаöн:  бизнесын нажöвитöм сьöм вылö ньöбсьö депутатлысь мандат, бизнесыс вуджöдсьö матысса морт вылö, депутат пыр фирмалы вичмöны бюджетнöй сьöм тшöт весьтö медся выгоднöй заказъяс, а депутат лышкыд козинъяс сеталö да ленточкаяс вундалö выль стрöйбаясын.Примеръяс? Эмöсь! Но вайöдны танi ог кут, сы вöсна, мый менö мыждасны суклясьöмысь, ме öд документъясöн та кузя ог вöдитчы. Кодкö шуас, сiдз и колö, мед козинъяс сеталöны, бур öд тайö, йöзлы жö вичмö. Но, думайта, интернетöн вöдитчысь йöз пиын сэтшöм наивнöй мортыс абу.

Медыджыд бöбйöдлöмыс – партияяс списокъяс пыр колана йöзöс депутатö кыскöм – кутiс кокньыда нин артмыны. Бöрйысьысьяс велалiсны, мый натöг ставыс лоö, позьö некутшöм бöрйысьöм вылö не волыны, выль оланпасъяс серти явка оз ков, ставлы паныд гöлöсуйтны он вермы. Но власьтлöн колис на öти  мог : став мирыслы петкöдлыны, мый Россияын эм демократия, йöзыс бура донъялöны öнiя веськöдлысьясöс . Татöг россияса нэриник да жеб экономика оз вермы сöвмыны. И вöлi бюджетнöй сьöм жалиттöг  вöчöма дзонь государственнöй ылöдчан машина бöрйысьöмъяс колананогöн «рисуйтöм» могысь.  Машинаыс удитiс некымын бöрйысьöм вылын дзуртöмсорöн уджыштны, «Öтувъя Россиялысь» лэптыны прöчентсö, бара жö «колана» йöзлысь колодасö тасуйтны  регионъясын и миян республикаын тшöтш.

Но абу ставыс чина йöз киын, кöть и уна сьöм да вын пуктöны найö. Öнiя восьса обществоын интернет пыр эм позянлун котыртчыны быдöнкöд.Ставнымöс ылöдлыны он вермы,öтуввезтö он тупкы. Думайта, тайöс тöдöмöн мыйкö да выльтор дасьтöны нин веськыда ылöдчöм пыдди да бöрйысян комиссияяс мырдöналöм пыдди. Ог т öд, мый. Но гöгöрвоа, мый сы мында протестнöй акцияяс быть пыдди ковмас пуктыны.
А.Рудольф йылысь

Ме – Сыктывдiн районса депутат, пыра «Справедливый Сыктывдин» депутат котырö. Лыддьывлi ас йылысь интернетысь, мый нуöда районын тыш администрациялы паныд. Кодi тадзсö гижö, мед сылöн сöвесьт вылын и кольö. Да, ме абу чöв олысь депутат, эмöсь юалöмъяс и районöн веськöдлысьяс дорö, таысь гусятор ог и вöч. Торйöн нин меным оз кажитчы, мый районын личöдöма уджсö сиктса администрацияяскöд да депутатъяскöд. Но сы кузя ме сёрнита пыр восьсöн, и ас вылö некутшöм лöгалöм та понда эг кывлы. Воöдчам öта-мöдöс гöгöрвоöмöдз, тöжд-могыс миян öткодь, районын мед олöм ладмöдны-кутны.

Гожöмнас на ми, районса депутатъяс, нарöсьнö чукöрчылiм, мед гöгöрвоны му вузалöмкöд йитöдын А.А.Рудольфлы паныд восьтöм уголовнöй делö йылысь юöр. Сэк миялы петкöдлiсны республикаса правительстволысь шуöм, код серти вузалöм муыслысь зэв тэрмасьöмöн вежöмаöсь категориясö: вöлi видз-му, лоöма поселение му. Видз-му вылын оз позь стрöитчыны, и доныс сылöн ичöт.А.Рудольф вузалiс тайö му торсö видз-му предприятиелы ичöт донысь, сы вöсна, мый доныс сылöн и эз вермы сэк лоны ыджыдöн. Бöрыннас нин, сытöг, муыс «ёна донсялiс», но та вылö районса веськöдлысьлöн полномочиеыс оз паськав! Кывкутны колö кодлыкö мöдлы. Но мыйлакö ставсьыс  мыждöны сöмын сiйöс! Ме, дерт, эг ставсö татчö гиж, мый йылысь уна нин вöлi мукöдъяслöн висьталöма. Да и уголовнöй делöысь ни öти документкöд эг тöдмасьлы. Верманныд та вöсна шуны, мый он кö тöд, то и сёрнисö танi эн лэпты. Вочавидза: ас синмöн правительстволысь шуöмсö аддзылi, и эг ме сöмын. Мыйла куш Рудольф кывкутö, эм кö мыж, то абу сылöн öтнаслöн!  

Со мый та йылысь думайта: кодлыкö ёна муссö зыртö миян Альбертовичным! Мыйысь мездысьöны сыысь? Гашкö, сыысь, мый тöдчана, мукöдъясысь торъялана, тайö мортыс. Татшöмъястö оз радейтны найö, кодъяс асьныс веськöдлöны йöзлы петкöдчывтöг. Быттьöкö лёк вылö лои, мый буретш А.Рудольфöс шулiсны öткымынöн республикаын социалкаöн веськöдлысьöн, кор эз на вöв лöсьöдöма выль правительство Гайзерöс юралысьöн индöм бöрын. Вермас и мöдтор лоны, мый йылысь сiдзжö гижлiсны интернетын, мый Рудольф улын кö эськö лои Ыбса этнопарк, сiйö мöд нога вöчис, и федерацияысь воöм ыджыд сьöмсö таргайтны эз сет. Дерт, татшöм юöр улас некод оз кырымась, но мыйкö тайö мöвпас збыль эм: Ыбса этнопарклöн идеяыс Рудольфлöн, некымын во Артур Альбертович  лелькуйтiс-чужтiс сiйöс, а восьтiгас ыджыд гаж вылас асьсö весиг эз корны! Öнi быттьöкö бокöвöй морттуйö жö пуктöны, öтдортöны этнопаркысь.  Коймöдтор йитчöма буретш сiйö шудтöм му вузалöмкöд, тыдылö, колö мортсö вайöдны сы выйöдз, мед полöмöн чöв олас. А гашкö, ачыс Рудольф мыйкö  кодлыкö лöсявтöмтор шуис либö вöчис, сы вöсна лöгсö кодкö песö. Быдторйыс вермас лоны, кыдз шуö меным 87 арöса инькаöй!

Миян районса веськöдлысь пример вылын позьö кывкöртöд вöчны: власть пытшкын ас ногöн уджавны он вермы, кыдз важ комияс шуласны, чесьтьö он усь!Либö тэ уджалан винтикöн , либö тэнö чегасны кыдз туйтöмöс да вежасны мöдöн. Пока сiдзи. Ошкышта ачымöс: ме ас кадö мунi, чегны да вежны позянлун эг сет!

Понимаю, что немного читателей могут самостоятельно прочитать этот текст. Но мне хочется знать, сколько читателей владеет коми языком?  Если есть интерес у других, не читающих по-коми, есть ли возможность попросить кого-то перевести? Надо ли дать чуть попозже перевод?
 

Материалы по теме
Мнение
3 окт
Евгений Гаврилов
Евгений Гаврилов
Почему я до сих пор не уехал из Смоленска
Мнение
23 окт
Геннадий Князев
Геннадий Князев
Депутатский рейд: пешеходный переход в Воркуте 16 октября 2021 года
Комментарии (8)
или зарегистрируйтесь, чтобы оставить комментарий, как зарегистрированный пользователь.
Не смог прочитать
1 фев 2012 20:22

А перевести?

Мария Кузьбожева
1 фев 2012 20:42

В конце я пишу по-русски. Перевод дам попозже.

Ничего
2 фев 2012 02:52

нового в вашем переводе мы не услышим,можно и не терять время на ерунду.

чел.
2 фев 2012 11:48

Мария Вячеславовна!
Своим обращением Вы украсили сайт.
Уважительно отношусь к коми народу, изучал язык и более-менее (на 70-80%) смог понять содержание.
Но хотелось бы и на русском (подавляющее большинство пользователей русскоязычные), тем более, что Вы в совершенстве им владеете.
Или это такой пиарный материал?..

Владимир Уляшев
2 фев 2012 11:59

Бура гижöма.
И бур, мый Сыктывдiнса юралысьöс дорйысьяс эмöcь. И бур, мый ачыс эз сетчы шакалъяслы.


"Колö жö кутшöм кö социальнöй норма и чиновник лыд вылö!"
- Правильно! Кризис на дворе - будем экономить на чиновниках!
Школы и больницы суки закрывают, а сами ездят на иномарках за счет налогоплательщиков. Отобрать у них компьютеры - пускай пишут свои документы палочкой на бересте, ездят на велосипедах, ...
Совсем они наглость потеряли!
этш тöдтöмъяс, ... "экранö тöртöмъяс", ...

odybsa
2 фев 2012 12:46

Уляшев ёрт, тэнад нёль бо:ръя кывйыс зарни.

Римма
2 фев 2012 12:43

Прочитать не смогла, но какая красавица.

а ссыкливая редакция
2 фев 2012 19:29

опять удаляет ))))

Стать блогером
Новое в блогах
Рубрики по теме
Заполняя эту форму, вы соглашаетесь с Политикой в отношении обработки персональных данных
ПРОДОЛЖАЯ ПОЛЬЗОВАТЬСЯ САЙТОМ,
ВЫ ПОДТВЕРЖДАЕТЕ, ЧТО ВАМ УЖЕ ИСПОЛНИЛОСЬ 18 ЛЕТ
ПРОДОЛЖАЯ ПОЛЬЗОВАТЬСЯ САЙТОМ, ВЫ ПОДТВЕРЖДАЕТЕ, ЧТО ВАМ УЖЕ ИСПОЛНИЛОСЬ 18 ЛЕТ
Нам нужна ваша поддержка
Мы хотим и дальше давать голос тем, кто прямо сейчас меняет свои города к лучшему: волонтерам, предпринимателям, активистам. Нас поддерживают благотворители и спонсоры, но гарантировать развитие и независимость могут только деньги читателей.
Ежемесячно
Разово
Сумма
100
200
500
1000
2000
Нажимая на кнопку «Поддержать» вы соглашаетесь с политикой конфиденциальности
Отправить сообщение об ошибке/опечатке
× Закрыть
Ваше сообщение было отправлено администратору. Спасибо за вашу внимательность!